
Во склоп на панел-дискусии кои се одржаа како дел од проектот насловен „SEBCoVe-Smart Electricity for Buildings“, финансиран како Еразмус проект од Европската Унија, група професори од Електротехнички факултет учествуваше со својот претставник доц. д-р Билјана Читкушева-Димитровска, која учествуваше во панел-дискусијата насловена како „Академскиот сектор како двигател на иновации во паметни и енергетски ефикасни згради“.
Настанот беше организиран од страна Центарот за југоисточен планински развој, каде што преку проектот се започнува иницијатива за создавање триаголници на знаење кои ги подобруваат истражувањата, иновациите и обуката во рамките на паметната електрична енергија за згради.