Студентите од втора и од трета година на Електротехничкиот факултет при Универзитетот „Гоце Делчев“ во Штип, во придружба на професорите Тодор Чекеровски и Сашо Гелев, го посетија „ХС Злетовица“ каде што имаа можност да ги прошират нивните знаења од областа на далечинското управување со еден од најсовремените системи за водоснабдување.

Студентите, исто така, имаа можност одблизу да го видат Скада (SCADA) системот во централната станица за контрола и надзор, „Зафат 3“ кој е наменет за водоснабдување на општините Штип, Свети Николе, Карбинци и Лозово, како и прекрасниот поглед кон браната „Кнежево“.