Дипл. инж. Панче Грапов, овластен проектант на електрични инсталации, одржа предавање пред студентите од Електротехнички факултет на тема „Примена на софтверски пакети во проектирање на електрични инсталации“.

Студентите имаа можност да се запознаат со неколку софтверски пакети кои се применуваат во проектирање на нисконапонски електрични инсталации, громобранска инсталација и инсталација за фотонапонски панели, како и со правилата и прописите што треба да содржи еден проект од нисконапонски инсталации. Студентите се запознаа со практичните аспекти на проектирањето на електричните инсталации, со што се направи спој помеѓу теоријата и праксата.